يلا تعالوا اتعلموا تكتبون انجليزي معرب حق الشات والمسجات

السلام عليكم

طبعا اكثركم تعرفون تكتبون بطرييقه هذي الحديثه اللي نشوفها بالشات او بالمسجات انت وربعك بالمدرسه ( وينك انت الحين ,متى بتروح المدرسه , بتغيب ولا لا , بتقص الحصة فيزيا منو له خلقها )هع هع هع اكيد يعني محد مامرت عليه هالمرحله .
والبعض و يستخدم هذه اللغة من اللي يعيشون بالخارج وماعندهم كيبورد عربي .

المــــــــــــــهم انا كنت مااكلم اللي يستخدم هاللغه مااعطيه ويه لأني مااعرفها وحسبتها صعبه بس يوم تعلمتها بالعكس طلعت سهله وراح تتعلمها انشاءالله بالتدريبه ولقيت موضوع يشرحها قلت خل احطه يمكن يفيد اعضاء كويت60

بس بعد مانخلص نبيك تشاركنا تكتب لنا حتى لو كلمتين بهالطريقه اوكي

يلا نبدا
2 = همزة مثل كلمة سؤال تكتب so2al و كلمة سبأ تكتب saba2
3 = ع ويمكن كتابة حرف غ بالشكل التالي '3
6 = ط
7 = ح
5 = خ ويمكن أن تكتب '7
8 = ق
9 = ص
ص = 9
ض = '9
ط = 6
ظ = '6
ع = 3
غ = '3 ق = 8

مثلأآ.’.’ allah y36ek el3afyah ( الله يعطيك العافيه )
mashkor 7abebe 3la almaw6'o3 ( مشكووور حبيبي على الموضوع )
3sak 3la el gwa ( عساك على القوة)

وطبعا اللهجه تلعب دور مثلأأ بالخليج ذوق تنكتب thoo8 او d'ooo8 بس بالمصري يقولون زوووء يعني يكتبون zoo2
بس فووووونش يلا لاتنحاش اكتب لك كلمتين على الماشي
يلا انشاء الله فهمتوا شي عاد ادري الموضوع موق حدر مايبين راسه من كرياسه