وش تسوي لو عشقت إنسان ماهو من نصيبك؟؟

من طرف **a3finy** الأربعاء مارس 12, 2008 6:30 pm

وش تسوي لو عشقت إنسان ماهو من نصيبك
لا لك بها الوضع يد و لا لـه بها الوضـع سبــه

وشهو ذنبك لو غدى من بين خلق الله حبيبـك
تعرف إن قربه محال و قلبـك مصمـم يحبـــه

و أنت متأكد و عارف بـيــجي يـوم و يسيبـك
يعني متوقع بأي لحظه يغيـب و تغتـرب بـــه

كل دربٍ يرحل بطيفه علـى وجهـك يجيبـك
كل حرفٍ يُكتب لغيـره تحسـه منكـتـب بـــه

كن كل عيون خلـق الله عيـونٍٍ لـه تــــذيــبـك
تنثر إحساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
عارفٍٍ بأنّك تحب و مـا يعَـرْف انّـك تحــبــــه

ساكــن ٍ بأصغر تفاصيلك و قلبـه مـا دري بـك
ماكــن ٍ بأقصى معاليق الكيان اللـي لعـب بــــه

وش تسوي لو مرضت بعشق من وصله طبيبك
وأنت عارف لو ذبحك العشق مـا داواك طـبـــه

هاذي أول مشاركة لي وأتمنى انها تنال إعجابكم...